Nakaantabay anumang oras. Laging handang magbigay ng serbisyo at katuwang ng mga opisyal ng barangay sa pagpapatupad ng kapayapaan at kaayusan. Ito ang araw-araw na gampanin ng mga barangay tanod na nais suklian sa munting paraan ng Pamahalaang Panlalawigan ng Pangasinan sa pamumuno ni 𝗚𝗼𝘃𝗲𝗿𝗻𝗼𝗿 𝗥𝗮𝗺𝗼𝗻 “Mon-Mon” 𝗚𝘂𝗶𝗰𝗼 𝗜𝗜𝗜.

Higit kumulang 2,000 na Civilian Volunteers sa ika-apat na distrito ng Pangasinan ang nakatakdang tumanggap ng P1,000 cash amelioration, 478 dito ay mula sa Manaoag, 602 sa San Fabian, 579 sa Mangaldan at 363 sa San Jacinto.

Personal na dumalo si Governor Guico kasama si 𝗩𝗶𝗰𝗲 𝗚𝗼𝘃𝗲𝗿𝗻𝗼𝗿 Mark Lambino, 𝟰𝘁𝗵 𝗗𝗶𝘀𝘁𝗿𝗶𝗰𝘁 𝗕𝗼𝗮𝗿𝗱 𝗠𝗲𝗺𝗯𝗲𝗿𝘀 Doc Jerry Rosario 𝗮𝘁 𝗠𝗮𝗿𝗶𝗻𝗼𝗿 “Noy” 𝗗𝗲 𝗚𝘂𝘇𝗺𝗮𝗻 at iba pang opisyal ng probinsya sa distribusyon nito. Nagpasalamat ang gobernador kay 𝗠𝗮𝘆𝗼𝗿 𝗝𝗲𝗿𝗲𝗺𝘆 𝗔𝗴𝗲𝗿𝗶𝗰𝗼 “Doc Ming” 𝗥𝗼𝘀𝗮𝗿𝗶𝗼 sa laging pagpapaunlak ng alkalde sa tuwing may mga aktibidad ang kapitolyo sa bayan ng Manaoag.

Mainit na sinalubong ni Mayor Rosario kasama ang mga miyembro ng Sangguniang bayan ang mga opisyal ng probinsya at lubos na nagpasasalamat sa tuluy-tuloy na natatanggap na mga biyaya at magandang ugnayan ng bayan sa pamahalaang panlalawigan.