Tuluy-tuloy ang mas pinaigting na kampanya laban sa iligal na droga ng Lokal na Pamahalaan ng Manaoag sa ilalim ng pamumuno ni 𝗠𝗮𝘆𝗼𝗿 𝗝𝗲𝗿𝗲𝗺𝘆 𝗔𝗴𝗲𝗿𝗶𝗰𝗼 “𝗗𝗼𝗰 𝗠𝗶𝗻𝗴” 𝗥𝗼𝘀𝗮𝗿𝗶𝗼.

Iginawad ng mga kinatawan mula sa 𝗣𝗵𝗶𝗹𝗶𝗽𝗽𝗶𝗻𝗲 𝗗𝗿𝘂𝗴 𝗘𝗻𝗳𝗼𝗿𝗰𝗲𝗺𝗲𝗻𝘁 𝗔𝗴𝗲𝗻𝗰𝘆 (𝗣𝗗𝗘𝗔) ang mga sertipiko na nagpapatunay na drug-cleared na ang labing-anim (16) na barangay sa bayan ng Manaoag. Ito ay ang mga Barangay ng 𝗕𝗶𝘀𝗮𝗹, 𝗕𝘂𝗰𝗮𝗼, 𝗖𝗮𝗹𝗮𝗼𝗰𝗮𝗻, 𝗟𝗲𝗹𝗲𝗺𝗮𝗮𝗻, 𝗟𝗶𝗰𝘀𝗶, 𝗟𝗶𝗽𝗶𝘁 𝗦𝘂𝗿, 𝗠𝗮𝘁𝘂𝗹𝗼𝗻𝗴, 𝗠𝗲𝗿𝗺𝗲𝗿, 𝗢𝗿𝗮𝗮𝗻 𝗘𝗮𝘀𝘁, 𝗢𝗿𝗮𝗮𝗻 𝗪𝗲𝘀𝘁, 𝗣𝗮𝗻𝘁𝗮𝗹, 𝗣𝗮𝗿𝗶𝗮𝗻, 𝗦𝗮𝗻𝘁𝗮 𝗜𝗻𝗲𝘀, 𝗦𝗮𝗽𝗮𝗻𝗴, 𝗧𝗲𝗯𝘂𝗲𝗹 at 𝗦𝗮𝗻 𝗥𝗮𝗺𝗼𝗻.

Tinanggap ng kapitan ng bawat barangay ang sertipiko ngayong araw na ginanap sa Municipal Health and Wellness Hall sa Presidencia de Manaoag. Kasama sa nag-abot nito ay si Mayor Doc Ming Rosario, PDEA Provincial Director IA V Rechie Q. Camacho, MADAC Focal Person Aldrin M. Aquino, Local Government Operations Officer VI Shiela E. Velasquez, Municipal Health Office Overseer Dr. Ela Camille Baltazar at PEMS Fidel B. Mejia, na kumatawan kay PNP-Manaoag Chief of Police Major Napoleon M. Eleccion, Jr.

Ito ay bunga ng pinagsamang pagsusumikap ng mga opisyal at kawani ng barangay at ng lokal na pamahalaan.

Mayroon na lamang sampung (10) natitirang barangay na target ma-𝘤𝘭𝘦𝘢𝘳 sa lalong madaling panahon. Patuloy na pinagtitibay ng alkalde ang suporta sa mga natitirang mga barangay upang tuluyan ng maging malaya sa droga ang bayan ng Manaoag.