Sentro ng turismo ang bayan ng Manaoag sa probinsya ng Pangasinan na may higit-kumulang 56,000 na bisita linggo-linggo. Gayunpaman, karamihan sa mga bisitang ito ay nagsisimba lamang at umaalis. Ito ang hamon na nagtulak kay 𝗠𝗮𝘆𝗼𝗿 𝗝𝗲𝗿𝗲𝗺𝘆 𝗔𝗴𝗲𝗿𝗶𝗰𝗼 “𝗗𝗼𝗰 𝗠𝗶𝗻𝗴” 𝗕. 𝗥𝗼𝘀𝗮𝗿𝗶𝗼 upang sa wakas ay maisakatuparan na ang matagal ng pinapangarap na maayos, malinis at organisadong pamilihang bayan ng Manaoag.

Ngayong umaga, sa isang Ceremonial Groundbreaking, ay pormal ng sisimulan ang konstruksyon nito na gagawin ng joint venture ng 𝗥𝗧 𝗠𝗮𝗰𝗮𝗻𝗹𝗮𝗹𝗮𝘆 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗮𝘁 𝗝𝗔𝗦𝗔 𝗚𝗗 𝟮𝟬𝟬𝟬 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗜𝗻𝗰. Mahahati ang kabuuan ng palengke sa tatlong phase, Phase 1 o ang unang building na may dalawang palapag, Phase 2 sa bahaging gitna para sa meat, fish at vegetable section at ang Phase 3 para sa mga ambulant vendors at parking area.

Unang gagawin ang Phase 3 nito at pansamantalang ire-relocate ang mga apektadong vendors sa bakanteng lupa na boluntaryong ipapagamit ng negosyanteng si Gladys Jimenez. Gagawan ng mga temporary make-shift stalls na may tubig at kuryente ang mga magtitinda.

Bakas ang ngiti at pananabik sa mga vendors na naroon at sa lahat ng mga dumalo sa simpleng seremonya. Nagpahayag ng suporta ang mga miyembro ng Sangguniang Bayan na sina 𝗪𝗶𝗻𝘀𝘁𝗼𝗻 𝗖𝗵𝘂 𝗧𝗮𝗻, 𝗘𝗱𝗱𝗶𝗲 𝗣𝗮𝗿𝗮𝗮𝗻, 𝗠𝗲𝗿𝗹𝘆 𝗧𝗮𝗻𝘁𝗮𝘆, 𝗣𝗲𝗱𝗿𝗼 “𝗞𝗮𝗽 𝗝𝗵𝗼𝗻𝗴” 𝗣𝗮𝗹𝗮𝗴𝗮𝗻𝗮𝘀, 𝗥𝗼𝘀𝗮𝗹𝗶𝗻𝗼 “𝗗𝗼𝗰 𝗡𝗲𝗺𝗼” 𝗗𝗲 𝗩𝗲𝗿𝗮, 𝗔𝗿𝗻𝗼𝗹𝗱 𝗦𝗮𝗿𝗮𝗴𝗼𝘇𝗮 at 𝗞𝗮𝗽 𝗥𝗶𝗰𝗵𝗮𝗿𝗱 𝗠𝗲𝗻𝗱𝗼𝘇𝗮. Nakiisa rin ang maybahay ng alkalde na si 𝗗𝗿𝗮. 𝗧𝘄𝗶𝗴𝗴𝘆 𝗥𝗼𝘀𝗮𝗿𝗶𝗼, LGU Department heads, Landbank representative, Liga ng mga Barangay, Sangguniang Kabataan, Manaoag PNP at BFP, Manaoag Water District, Dagupan Electric Corporation, Market Vendors at iba pang mga pribadong indibidwal.