Mura at sariwang karne, gulay, prutas at samu’t-saring produkto gaya ng cocoa products, honey, boneless bangus, at marami pang iba ang ibinida ng mga local farmers ng Manaoag at ng iba pang bayan sa Pangasinan at mga karatig probinsya sa ginanap na 𝙆𝙖𝙙𝙞𝙬𝙖 𝙣𝙜 𝙋𝙖𝙣𝙜𝙪𝙡𝙤 (KNP) kahapon sa Manaoag Public Auditorium. Ito ay naisakatuparan sa pamamagitan ng Municipal Agriculture Office (MAO) sa pamumuno ni 𝗘𝗻𝗴𝗿. 𝗔𝗿𝗻𝗼𝗹𝗱 𝗥𝗮𝘂𝗹 𝗘. 𝗚𝗲𝗿𝗼𝗻𝗶𝗺𝗼.

Ang KNP ay bahagi ng mga pagsisikap ng gobyerno na masiguro ang matatag na suplay ng pagkain. Mas mura ring mabibili ang mga produkto dahil direktang maibebenta ng mga magsasaka, mangingisda at maliliit na negosyo ang kanilang mga produkto.

Sa isang maikling programa ay nagpasalamat si 𝗠𝗮𝘆𝗼𝗿 𝗝𝗲𝗿𝗲𝗺𝘆 𝗔𝗴𝗲𝗿𝗶𝗰𝗼 “𝗗𝗼𝗰 𝗠𝗶𝗻𝗴” 𝗕. 𝗥𝗼𝘀𝗮𝗿𝗶𝗼 sa lahat ng nakiisa at namili ng mga produkto. Hinikayat din ng alkalde ang bawat isa na suportahan ang mga ganitong aktibidad.

Samantala, tuloy-tuloy ang tulong ng lokal na pamahalaan ng Manaoag sa lahat ng proyekto at programa para sa mga magsasaka.