Isa-isang ipinatawag ni 𝗠𝗮𝘆𝗼𝗿 𝗝𝗲𝗿𝗲𝗺𝘆 𝗔𝗴𝗲𝗿𝗶𝗰𝗼 “𝗗𝗼𝗰 𝗠𝗶𝗻𝗴” 𝗥𝗼𝘀𝗮𝗿𝗶𝗼 ang mga nagtitinda sa palengke noong nakaraang linggo upang i-konsulta ang napipintong konstruksiyon ng bagong palengke ng Manaoag.

Araw-araw mula Enero 15-18, 2024, iba’t-ibang section sa palengke ang kinausap ng alkalde. Kabilang dito ang Wet Section (Meat & Fish), Dry Section (Fruits, Vegetables, Rice, etc.), Food Stalls, School Supplies Vendors at iba pa.

Ayon kay Mayor Rosario, hindi lamang ang gusali at pasilidad ang aayusin kundi ang mga maling sistemang dapat ituwid hinggil sa pamamalakad sa palengke. Ito ay sinang-ayunan naman ng mayorya ng mga dumalo sa mga pagpupulong.

Ang pagpapaganda sa palengke ang isa sa tinitignan ni Mayor Rosario na manghihikayat sa libu-libong bisita at turista na dumarating sa bayan upang mamili ng mga pasalubong at iba pang produkto ng bayan.

Kaugnay nito, isa-isang inilatag ang mga plano sa mga market vendors at sa mga miyembro ng Municipal Development Council kabilang ang lahat ng punong barangay sa bayan. Tinalakay nina 𝗔𝗹𝗱𝗿𝗶𝗻 𝗠. 𝗔𝗾𝘂𝗶𝗻𝗼 (𝗠𝘂𝗻𝗶𝗰𝗶𝗽𝗮𝗹 𝗣𝗹𝗮𝗻𝗻𝗶𝗻𝗴 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗳𝗳𝗶𝗰𝗲𝗿, 𝗘𝗻𝗴𝗿. 𝗘𝗱𝗴𝗮𝗿𝗱𝗼 𝗔. 𝗩𝗮𝗹𝗱𝗲𝘇 (𝗕𝘂𝗱𝗴𝗲𝘁 𝗢𝗳𝗳𝗶𝗰𝗲), 𝗘𝗻𝗴𝗿. 𝗔𝗿𝗻𝗼𝗹𝗱 𝗥𝗮𝘂𝗹 𝗘. 𝗚𝗲𝗿𝗼𝗻𝗶𝗺𝗼 (𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲) 𝗮𝘁 𝗦𝗵𝗲𝗶𝗹𝗮 𝗘. 𝗩𝗲𝗹𝗮𝘀𝗾𝘂𝗲𝘇 (𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 𝗢𝗽𝗲𝗿𝗮𝘁𝗶𝗼𝗻𝘀) ang mga ito.

Aprubado na rin sa konseho ang resolusyon para sa pagpapatayo ng 𝟮-𝗦𝘁𝗼𝗿𝗲𝘆 𝗣𝘂𝗯𝗹𝗶𝗰 𝗠𝗮𝗿𝗸𝗲𝘁 𝘄𝗶𝘁𝗵 𝗣𝗮𝗿𝗸𝗶𝗻𝗴 𝗔𝗿𝗲𝗮 na dumaan sa tamang Design and Build Scheme. Ito ay nakatakdang simulan sa unang quarter ng taon.